Aplec dels Focs de Sant Joan de Montsegur:

Membres del Grup d'Història del Casal van participar en el XXXI Aplec de Montsegur que ogrganitza el Cercle d'Agermanament Occitano-Català.

Crònica dels actes

Lo XXXI Aplèc dels Fòcs de Sant Joan a Montsegur foguèt organisat, coma cada an, dempuèi 1979, pel CAOC.

Lo novèl maire de Montsegur nos a aculhit amicalament amb estrambòrd e a participat e collaborat en totas las manifestacions.

Comencèt a Montferrier amb la representacion teatrala de l’òbra de Pèire Pessamessa “La Segonda Vida de Mirelha”, jugada en naut d’un empont, al bèl èr (a l’aire liure) amb lo decor magnific de las bèlas montanhas de l’entorn ariegenc.

Aprèp se faguèt l’acte tradicional d’omenatge al Prat dels Cremats e parlèron los dos presidents del CAOC catalan e occitan, Pèire Pessamessa e Enric Garriga, e tanben Pèire Morey, escrivan de Malhòrca. Tot animat pels tambors dels diables e s’acabèt amb Se Canta e Los Segadors. Aprèp, a 7 oras, se celebrèt la messa (tota en occitan) a la glèisa de Montsegur. Los quatre prèires dintreron a la glèisa precedits pels diables. Comencèt amb unas paraulas de benvenguda pel conse de Montsegur, que se referis a l’amistat occitano-catalana e a l’euroregion. La soprano Estèla, de Tolosa, cantèt doas pèças de Mistral e al final una corala del vilatge cantèt Se Canta e d’autras cançons, amb la participacion d’un trompetista local que encara joguèt lo Cant dels Adieus.

Foguèt una bèla fèsta occitana amb fòrça de monde occitan venguts de pertot. Encara mancava la presentacion del libre Pirènia, que foguèt presentat a la Escòla vielha per son autor Pèire Morey, de Malhòrca.

A 21 oras 30 comença lo desfilat, dempuèi lo vilatge fins lo Prat dels Cremats, amb los diables, bandièras e entòrchas. Al Prat dels Cremats se faguèt l’alucatge del gròs lenhièr. Los diables fagueron un meravilhós espectacle de pirotecnia amb la musica tradicionala del grop ariegenc Trade & Scrath. Fasiá de fred, mas lo grand foguièr nos caufava a totes.

Foguèt una granda fèsta amb una molonada de monde.

L’endeman dimenge se faguèt un passacarrièra a Montferrier e una recepcion e aperitiu en una sala de la Comuna.

L’OCCITÀ és llengua oficial a Catalunya segons l’article 6.5 de l’Estatut d’Autonomia de Catalunya de 2006. .

Enric Garriga, president del CAOC i l'escriptor occità Peire Pessamessa durant l'ofrena floral al monòlit del Prat dels Cremats